Select Page

មូលហេតុចំនួនប្រាំបួនដែលមនុស្សមិនច្រៀង ក្នុងការថ្វាយបង្គំ

អ្នក​ដឹក​នាំ​ថ្វាយ​បង្គំ​ជុំ​វិញ​ពិ​ភព​លោក​កំពុង​ផ្លាស់​ប្ដូរ​ការ​ថ្វាយ​បង្គំ​នៃ​ព្រះ​វិហារ​របស់​ពួកគេ​ទាំង​ក្រៀម​ក្រំ (ជា​ញឹក​ញាប់​គឺ​ដោយ​អចេត​នា) ទៅជា​ព្រឹត្តិ​ការណ៍​សម្រាប់ទស្សនា ហើយ​មនុស្ស​លែង​ច្រៀង​ទៀត​។

មុនពិ​ភាក្សា​ស្ថាន​ភាព​បច្ចុប្បន្ន​របស់​យើង សូម​​មក​មើល​ប្រវត្តិ​សាស្រ្ត​សិន​។​ មុន​សម័យកំណែ​ទម្រង់ ការ​ថ្វាយ​បង្គំ​ត្រូវ​បាន​ធ្វើ​យ៉ាង​ច្រើនជំនួសមនុស្ស។ តន្រ្តី​ត្រូវ​បាន​សម្ដែង​ដោយ​តន្រ្តី​ករ​អាជីព ហើយ​ច្រៀង​ភា​សា​ដែល​មនុស្ស​មិន​សូវចេះ (ភាសា​ឡាតាំង) កំណែ​ទម្រង់បាន​ប្រគល់​ការ​ថ្វាយ​បង្គំ​ដល់​មនុស្ស​វិញ​ រួម​ទាំង​ការ​ច្រៀង​ជា​ក្រុម​ជំនុំ ដែល​ប្រើ​ប្រាស់​តុង​ធម្មតា​ អាច​ច្រៀង​បាន ជាមួយ​ទំនុក​ច្រៀង​រឹង​មាំ តាម​បទ​គម្ពីរ ជា​ភាសា​ដែល​មនុស្សចេះ។ ការ​ថ្វាយ​បង្គំ​ក៏​ក្លាយ​ជាការ​ចូល​រួម​ជាថ្មី​ម្តង​ទៀត។

ការ​វិវឌ្ឍនៃ​សៀវ​ភៅ​ចម្រៀង​ទំនុក​តម្កើង​បោះ​ពុម្ព​បាន​នាំ​មក​ជាមួយ​នូវ​ការ​ផ្ទុះ​ឡើង​នៃ​ការច្រៀង​ជា​លក្ខណៈ​ក្រុម​ជំនុំ ហើយ​ក្ដី​ស្រឡាញ់​របស់​ក្រុម​ជំនុំ​ចំពោះ​ការ​ច្រៀង​​បាន​កើន​ឡើង។

ជាមួយ​នឹង​ការ​ជឿន​លឿន​នៃ​បច្ចេក​វិជ្ជា​វិដេអូថ្មី ក្រុម​ជំនុំ​បាន​ចាប់​ផ្ដើម​គម្រោង​ដាក់​ទំនុក​ច្រៀងនៃ​បទ​ចម្រៀង​នៃ​បទ​ចម្រៀង​របស់​ពួកគេនៅ​លើ​អេក្រង់ ហើយ​ចំនួន​នៃ​បទ​ចម្រៀងដែល​ច្រៀង​នៅ​ព្រះ​វិហារ​មាន​ការ​កើន​ឡើង​យ៉ាង​សម្បើម។ ជា​ដំបូង ការ​រីក​ចម្រើននៃ​បច្ចេក​វិជ្ជានេះ​បាន​នាំ​ទៅ​កាន់​ការ​ច្រៀង​ជា​លក្ខណៈ​ក្រុមជំនុំ​កាន់​តែពេញ​ដោយ​អំណាច ប៉ុន្តែ​មិន​យូរ​ប៉ុន្មាន ការ​ផ្លាស់​ប្ដូរក្នុង​ការ​ដឹក​នាំ​ថ្វាយ​បង្គំ​បាន​ចាប់​ផ្ដើម​ប្ដូរ​ក្រុម​ជំនុំ​ត្រឡប់​ទៅ​កាន់​បង់​អង្គុយជា​ជួរមុន​សម័យ​កំណែ​ទម្រង់វិញ (ទស្សនិក​ជន)។

អ្វី​ដែល​បាន​កើត​ឡើង​អាច​ត្រូវ​បាន​សង្ខេប​មក​ជាអាជីពនិយកម្ម​ជាថ្មី​នៃ​តន្រ្តី​ក្រុម​ជំនុំ និង​ការ​បាត់​បង់​គោល​ដៅ​ធំ​នៃ​ការ​ដឹក​នាំ​ថ្វាយ​បង្គំ–ជួយ​ជម្រុញ​ក្រុម​ជំនុំ​ឲ្យ​ច្រៀង​សរសើរ​តម្កើង​ព្រះ។ និយាយ​ឲ្យ​ងាយ យើង​កំពុង​បណ្ដុះ​វប្បធម៌​នៃ​ទស្សនិកជន​ក្នុង​ព្រះ​វិហារ​របស់​យើង ដោយ​ផ្លាស់​ប្ដូរ​អ្វី​ដែល​គួរតែ​ជា​បរិយាកាស​នៃ​ការ​ថ្វាយ​បង្គំ​ដែល​មាន​ការ​ចូល​រួម ទៅ​ជា​ព្រឹត្តិការណ៍​ប្រគំ​តន្រ្តី។ ការថ្វាយ​បង្គំ​កំពុង​ផ្លាស់​ទៅ​ជា​ភាព​រញ៉េ​រញ៉ាយ​​មុន​សម័យ​កំណែ​ទម្រង់។

 

ខ្ញុំ​ឃើញ​មូល​ហេតុ​ចំនួន​ប្រាំបួន​ដែល​មនុស្ស​លែង​ច្រៀង​ទៀត​៖

 

ពួក​គេ​មិន​ចេះ​បទ​ចម្រៀង។ 

ជាមួយការ​ចេញ​បទ​ចម្រៀង​ថ្មី​ប្រចាំ​សប្ដាហ៍ និង​ការ​កើន​ឡើង​នៃ​បទ​ចម្រៀង​ដែល​ត្រូវ​បាន​សរសេរ​ក្នុង​ស្រុក​ អ្នក​ដឹក​នាំ​ថ្វាយ​បង្គំ​កំពុង​ផ្ដល់​របប​អាហារ​រឹង​ចុង​ក្រោយ​បំផុត ជាចម្រៀង​ថ្វាយ​បង្គំ​ដ៏​អស្ចារ្យ​បំផុត។ ជា​ការ​ពិត​ណាស់ យើង​គួរ​តែ​ច្រៀង​បទ​ថ្មី ប៉ុន្តែ​ការ​បញ្ចូល​បទ​ថ្មី​ដែល​មាន​កម្រិត​ខ្ពស់​ពេកក្នុង​ការ​ថ្វាយ​បង្គំ អាច​កាត់​បន្ថយ​កម្រិត​ចូល​រួម​របស់​យើង ហើយ​បង្វែរ​ក្រុមជំនុំ​ទៅ​ជា​ទស្សនិកជន។ ខ្ញុំ​ឃើញ​បែប​នេះ​គ្រប់​ពេល​ទាំង​អស់​។ ខ្ញុំ​តស៊ូ​មតិ​កុំ​ឲ្យ​ច្រៀង​ចម្រៀងថ្មី​លើស​ពី​មួយ​បទ ក្នុង​កម្មវិធី​ថ្វាយ​បង្គំ​ម្ដង ហើយ​បន្ទាប់​មក ច្រៀង​បទ​នោះ​ឡើងវិញ​ម្ដង​ម្កាលជា​ច្រើន​សប្ដាហ៍​ រហូត​ដល់​ក្រុម​ជំនុំ​ចេះ​ចាំ​បទ​ចម្រៀង​នោះ។ មនុស្ស​​ថ្វាយ​បង្គំ​បាន​ល្អ​បំផុត​ជាមួយ​ចម្រៀង​ដែល​ពួកគេ​ចេះ ដូច្នេះ​យើង​ត្រូវ​ការ​បង្រៀន​ ហើយ​ពង្រឹងការ​បង្ហាញ​ចេញ​ថ្មី​នៃ​ការ​ថ្វាយ​បង្គំ។

 

យើង​​ច្រៀង​ចម្រៀង​ដែល​មិន​​សម​សម្រាប់​ច្រៀង​ជា​លក្ខណៈ​ក្រុម​ជំនុំ។ 

សព្វ​ថ្ងៃ​នេះ មាន​ចម្រៀង​ថ្វាយ​បង្គំ​ថ្មី​និង​អស្ចារ្យៗ​ជា​ច្រើន ប៉ុន្តែ​ក្នុង​អាង​ដ៏​ធំធេង​នៃ​បទ​ថ្មី​ទាំង​នេះ មាន​ចម្រៀងជា​ច្រើន​ដែល​មិន​សម​សម្រាប់​ការ​ច្រៀង​ជា​លក្ខណៈ​ក្រុម​ជំនុំ​ទេ យោង​តាម​ចង្វាក់នៃ​បទ​ទាំង​នោះ (ពិបាក​ពេក​សម្រាប់​អ្នក​ច្រៀង​ជា​មធ្យម) ឬ​មាន​កម្រិត​ទូលំទូលាយ​ពេក (ពិចារណា​ពី​អ្នក​ច្រៀង​ជា​មធ្យម—មិន​មែន​តារា​ចម្រៀង​អាជីព​លើ​ឆាកទេ)។

 

យើង​ច្រៀង​ក្នុង​ខ្ទង់​ខ្ពស់​ពេក​សម្រាប់​អ្នក​ច្រៀង​ជា​មធ្យម។

មនុស្ស​ដែល​យើង​កំពុង​ដឹក​នាំ​ក្នុង​ការ​ថ្វាយ​បង្គំ ជាទូទៅ​មាន​កម្រិត​សំឡេង​មាន​កំណត់ ហើយ​មិន​មាន​កម្រិត​សំឡេង​ខ្ពស់​ទេ។ ពេល​យើង​តម្លើង​សំឡេង​តាម​បទ​ចម្រៀង ក្នុងខ្ទង់​ដែល​ខ្ពស់​ពេក ក្រុម​ជំនុំ​នឹង​ឈប់​ច្រៀង ហត់ពេក ហើយ​ក៏​បោះបង់​ ក្លាយ​ជា​ទស្សនិកជន​តែម្ដង។ សូម​ចង​ចាំ​ថា ទំនួល​ខុស​ត្រូវ​របស់​យើង​គឺ​ដើម្បី​ជម្រុញ​ឲ្យ​ក្រុម​ជំនុំ​ច្រៀង​សរសើរ​តម្កើង​ មិន​ដើម្បីឡើង​បញ្ហាញ​សំឡេង​អស្ចារ្យ​របស់​យើង​លើឆាក ដោយ​ការ​បង្ហើរ​​សំឡេង​ច្រៀង​ចម្រៀង​មាន​កម្រិត​ខ្ពស់​របស់​យើង​នោះទេ។ កម្រិត​សំឡេង​ជា​មូល​ដ្ឋាន​នៃ​អ្នក​ច្រៀង​ជា​មធ្យម​ គឺមួយអុកតាវ ឬ​មួយ​ភាគ​បួន​ ពី A ទៅ D (ជាមួយ​ Eb ម្ដង​ម្កាល)។

 

ក្រុម​ជំនុំ​មិន​ឮ​មនុស្ស​នៅ​ជុំ​វិញ​ពួកគេ​ច្រៀង។ 

ប្រ​សិន​បើ​តន្រ្តី​លឺពេក​ ធ្វើ​ឲ្យ​មនុស្ស​មិន​អាច​ស្ដាប់​ឮ​គ្នា​ច្រៀង មានន័យថា​វា​លឺ​ពេក​ហើយ។ ផ្ទុយ​ទៅ​វិញ ប្រ​សិន​បើ​តន្រ្តី​លឺ​តិច​ពេក ជាទូទៅ​ក្រុម​ជំនុំ​នឹង​ឈប់​ច្រៀង​ដោយ​សារ​អស់​កម្លាំង។ សូម​ស្វែង​រក​តុល្យ​ភាព​ត្រឹម​ត្រូវ​—ខ្លាំង ប៉ុន្តែ​កុំ​ឲ្យ​ហួស​ពី​ការ​ដែល​អាច​ទទួល​យក​បាន។

 

យើង​បាន​បង្កើត​កម្មវិធី​ថ្វាយ​បង្គំ ដែលជា​ព្រឹត្តិ​ការណ៍​សម្រាប់​ទស្សនិកជន ដោយ​បង្កើត​បរិយាកាស​នៃ​ការ​សម្ដែង។ 

ខ្ញុំ​គឺជា​អ្នក​តស៊ូ​មតិ​ខ្លាំង​ក្លា​នៃ​ការ​បង្កើតបរិយា​កាស​អស្ចារ្យ​មួយ​សម្រាប់​ការ​ថ្វាយ​បង្គំ រួម​ទាំង​ការ​ប្រើ​ប្រាស់​ពន្លឺ ទស្សនីយ​ភាព ការ​រួម​បញ្ចូល​នៃ​សិល្បៈ និង​មាន​ច្រើន​ទៀត។ ទោះ​បីជា​យ៉ាង​ណា នៅពេល​បរិយាកាសត្រូវ​ការ​កិច្ច​ការ​ដល់​កម្រិត​មួយ ​ដែល​ទាក់ទាញ​ការ​យក​ចិត្តទុក​ដាក់​មិន​បាន​តម្រូវ ទៅ​កាន់​អ្នក​ដែល​នៅ​លើ​ឆាក ឬ​ការ​បែក​អារម្មណ៍​ ពីការ​ថ្វាយ​បង្គំ​ព្រះ​របស់​យើង យើង​បាន​ទៅ​ហួស​ឆ្ងាយ​ពេក​​ហើយ​។ ឥតខ្ចោះ – មែន។ ការ​សម្ដែងលំដាប់​អាជីព​ខ្ពស់ – ទេ។

 

ក្រុម​ជំនុំ​មាន​អារម្មណ៍​ថា​ពួកគេ​ត្រូវ​បាន​រំពឹង​ឲ្យ​ច្រៀង។

ក្នុង​នាម​ជា​អ្នក​ដឹក​នាំ​ថ្វាយ​បង្គំ ជាញឹក​ញាប់​យើង​ជាប់​ដៃ​ខ្លាំង​ក្នុង​ផលិត​កម្ម​​នៃ​ការ​ថ្វាយ​បង្គំ​អាជីព ទើប​យើង​ខក​ខាន​​ភាព​ពិត​ត្រង់​ និងមិន​បាន​នាំ​ក្រុម​ជំនុំ​ចូល​ក្នុង​ការ​ធ្វើ​ដំណើរ​នៃ​ការ​ថ្វាយ ហើយ​បន្ទាប់​មក​បែរ​ជា​ត្រូវ​ខំប្រឹង​ធ្វើ​គ្រប់​យ៉ាង​តាម​ដែល​យើង​អាចធ្វើ​បាន​ដើម្បី​សម្រប​សម្រួល​បទ​ពិសោធន៍​នោះ ក្នុង​ការ​ច្រៀង​បទ​ចម្រៀង​ចេះ​ស្រាប់​ បទ​ចម្រៀង​ថ្មី​ត្រូវ​បាន​ណែនាំ​យ៉ាង​ត្រឹម​ត្រូវ ព្រម​ទាំង​ច្រៀង​បទ​ចម្រៀង​ទាំង​អស់​ឲ្យ​សម​ស្រប​ទៅ​តាម​កម្រិត​សំឡេង​ជា​លក្ខណៈ​ក្រុម​ជំនុំ។

 

យើង​​ខាន​មាន​នូវ​រូប​កាយ​រួម​នៃ​បទ​ចម្រៀង​សរសើរ​តម្កើង។ 

ដោយ​មាន​បទ​ចម្រៀង​ថ្មី​ៗ​ជា​ច្រើន​ ជាញឹក​ញាប់​យើងក្លាយ​ជា​ខ្វះ​គោល​ការណ៍​រៀប​ចំ​ក្នុង​ផែនការ​ថ្វាយ​បង្គំ​របស់​យើង ទាំងទាញ​បទ​ចម្រៀង​ចេញ​ពី​ប្រភព​ជា​ច្រើន​ដោយ​គ្មាន​ការ​ពង្រឹង​បទ​ចម្រៀង និង​ជួយ​ក្រុម​ជំនុំ​ឲ្យ​ប្រើ​វា​​ជា​ការ​បង្ហាញ​ទៀង​ទាត់​នៃ​ការ​ថ្វាយ​បង្គំ។ កាល​ពី​ជំនាន់​មុន បទ​ចម្រៀង​សរសើរ​តម្កើង​គឺ​ជា​ឃ្លាំង​ចម្រៀង។ សព្វ​ថ្ងៃ​នេះ យើង​ត្រូវ​ការ​បង្កើត​បញ្ជី​បទ​ចម្រៀង​ ដើម្បី​ប្រើ​ប្រាស់​ក្នុង​ការ​រៀប​ចំ​ផែន​ការ​ពេល​វេលា​ថ្វាយ​បង្គំ​របស់​យើង។

 

អ្នក​ដឹក​នាំ​ថ្វាយ​បង្គំ​គ្មាន​ការ​ព្រាង​ទុក​មុន​ច្រើនពេក។

សូម​រក្សា​ណោត​ភ្លេង​ច្បាស់ៗ ហើយ​រឹង​មាំ។ ក្រុមជំនុំត្រូវ​បាន​បង្កើត​ឡើង​ដោយ​ហ្វូង​ចៀម​ដែល​មាន​កម្រិត​សំឡេង​ទាប និង​សមត្ថភាព​ផ្នែក​តន្រ្តី​នៅ​មាន​កម្រិត។ នៅពេល​ដែល​យើង​ទាស​ចេញ​ពី​ណោត​ភ្លេង​ ទៅ​តាម​ទំនើង​ចិត្ត​ដោយ​ឥត​ព្រាង​ទុក​មុន ចៀមព្យា​យាម​តាម​យើង ហើយ​ចុង​បញ្ចប់​ក្លាយ​ជា​មិន​ដូច​បំណង រួច​ក៏​ឈប់ច្រៀង​តែ​ម្ដង។ ការ​ប្រែ​ប្រួល​ដោយ​ឥត​ព្រាង​ទុក​មុខ​ខ្លះ​គឺ​ល្អ ហើយ​អាច​ធ្វើ​ឲ្យការ​ថ្វាយ​បង្គំប្រសើរ​ឡើង ប៉ុន្តែ​សូម​កុំ​អនុញ្ញាត​ឲ្យវា​នាំចៀម​របស់​អ្នក​ទាស​ចេញ​ឆ្ងាយ។

 

អ្នក​ដឹក​នាំ​ថ្វាយ​បង្គំ​មិន​ភ្ជាប់​ទំនាក់​ទំនងជាមួយក្រុម​ជំនុំ។

ជាញឹក​ញាប់​ផុង​ខ្លួន​ក្នុង​ពិភព​នៃ​ផលិត​កម្ម​តន្រ្តី​អស្ចារ្យ​របស់​យើង ហើយ​ភ្លេច​មើល​គោល​បំណង​នៃ​ការ​ជួយ​ក្រុម​ជំនុំ​ឲ្យ​លើក​សំឡេង​​ក្នុង​ការ​ថ្វាយ​បង្គំរបស់​ពួក​គេ។ សូមអនុញ្ញាត​ឲ្យ​ពួក​គេ​ដឹង​ថា​ អ្នក​រំពឹង​ចង់​ឲ្យ​ពួកគេ​ច្រៀង។ ដក​ស្រង់​ព្រះ​គម្ពីរ​ដើម្បី​លើក​កម្ពស់​ការ​បង្ហាញ​ចេញ​របស់​ពួកគេ​​ក្នុង​ការ​ថ្វាយ​បង្គំ។ ត្រូវ​ដឹង​ខ្លួន​ជា​និច្ច​ថាតើ​ក្រុម​ជំនុំ​កំពុង​ច្រៀង​តាម​អ្នក​បាន​ល្អ​ប៉ុណ្ណា ហើយ​ផ្លាស់​ប្ដូរ​លំនាំ​តាម​ដែល​ត្រូវ​ការ។

 

កាល​ណា​អ្នក​ដឹក​នាំថ្វាយ​បង្គំ​ទទួល​បាន​ឡើងវិញ​នូវនិមិត្ត​ ដើម្បី​ជួយ​ជម្រុញ​ក្រុម​​ជំ​នុំ​ឲ្យ​ធ្វើ​ការ​អ្នក​ចូល​រួម​ក្នុង​ការ​ធ្វើ​ដំណើរ​នៃ​ការ​ថ្វាយ​បង្គំ​រួម​គ្នា ខ្ញុំ​ជឿ​ថា​យើង​អាច​ប្រគល់​ការ​ថ្វាយ​បង្គំ​ជូន​មនុស្ស​វិញ​ជាថ្មី​ម្ដង​ទៀតហើយ។

Free Social Media Shareables

Categories

Improving Your Worship Leading

Limited Resources

WLBC

WLBC

WLBC

Connect With the Renewing Worship Facebook Page

Our Partners

NC.WorshipPlanning.com

NC.WorshipPlanning.com

Follow me on Twitter